Kio estas komputilo?

Komputilo estas sistemo por prilabori datenojn.

Terminologia ekskurso En Esperanto oni longe disputis pri jenaj du terminoj: cxu diri komput`ilo aux komputoro; estis ecx aliaj proponoj, ekz. komputero (PIV-a!) kaj komputatoro. La disputo sxajnas pli-malpli solvita favore al komputi / komput`ilo. Kiel skribas Pokrovskij en sia Komputika Leksikono, la "arkaigxintan PIVan signifon [de komputi] "mezuri per nombroj"... oni povas esprimi per nombri". cxu datenoj aux datumo? Tiu disputo ankoraux restas; Pokrovskij mencias ambaux sed esprimas sin favore al datumo. Tiu cxi kurso tamen uzos dateno.

Datenojn eblas

• produkti
• enigi
• stori
• transformi
• eligi

• gramofono
• sonbendaparato
• radio kaj televido (konsistantaj el sendilo kaj ricevilo)
• telefono, telekopiilo ("faksilo")

Cxi-epoke la komputilo pli kaj pli transprenas la funkciojn de la aliaj datenprilaboriloj; baldaux gxi integrigos cxiujn cxi funkciojn en unu unuecan sistemon.

Datenoj povas esti

• nombroj (la unua formo de datenoj komputile traktitaj)
  • entjeraj nombroj
  • frakciaj nombroj
• tekstoj (nun la plej ofta formo de datenoj en komputiloj)
  • senformataj tekstoj
  • formatitaj (kompostitaj, arangxitaj) tekstoj (kun grasaj, oblikvaj aux kursivaj tipoj, diversaj signospecoj kaj -grandoj ktp.)
  • tabeloj
• datenbankaj informoj (tabeloj el rikordoj)
• bildoj
  • rastraj bildoj
  • vektoraj bildoj
  • strukturitaj scenoj, ekzemple en KAD-sistemoj (KAD = komputile asistata desegnado)
• sonoj
• videoscenoj